Республика Маънавият ва маърифат маркази, Ёшлар ишлари агентлиги, Ўзбекистон касаба уюшмалари федерацияси, Маҳалла ва нуронийларни қўллаб-қувватлаш вазирлиги билан ҳамкорликда маҳаллалардаги ёшлар етакчилари ўртасида «Фидойи ёшлар етакчиси» республика кўрик-танлови ўтказилади.

Танловдан кўзланган мақсад маҳаллаларда ёшларга оид давлат сиёсатини самарали ташкил этиш, ёшлар етакчиларининг маънавий савияси ва билимини ошириш орқали маҳаллалардаги ижтимоий-маънавий муҳит ривожига ҳисса қўшиш, ёшларда Ватанга муҳаббат, халқимизга садоқат туйғуларини ошириш ҳамда уларнинг меҳнатини муносиб рағбатлантиришдан иборат.

Танлов уч босқичда ташкил этилади:

1-босқич – туман (шаҳар) босқичи июнь ойи давомида;

2-босқич – Қорақалпоғистон Республикаси, вилоятлар ва Тошкент шаҳри миқёсида ҳудудий босқич июль ойи давомида;

3-босқич – Республика босқичи Мустақиллигимизнинг 32 йиллиги арафасида ўтказилади.

1-ўринни қўлга киритган ёшлар етакчисининг номзоди «Келажак бунёдкори» кўкрак нишонига тавсия этилади, ғолиб фаолият юритаётган маҳалла фуқаролар йиғинида кутубхона ташкил қилиниб, 5 000 дона китоблар жамланмаси берилади, шунингдек, қимматбаҳо совғалар, пул мукофотлари билан тақдирланади.

2- ва 3-ўринни қўлга киритган ёшлар етакчиси «Ўзбекистон белгиси», «Маънавий-маърифий ишлар аълочиси», «Маънавият фидойиси» кўкрак нишонларига тавсия этилади, ғолиблар фаолият юритадиган маҳалла фуқаролар йиғинида кутубхона ташкил қилиниб, 3 000 донадан китоблар жамланмаси ажратилади.