Фарғона вилоятида бўлиб ўтаётган маънавий-маърифий кунлар доирасида “Маърифат” тарғиботчилар жамияти раиси Бахтиёр Ҳусанов бошчилигидаги учрашувлар давом этмоқда.

Ўзбекистонда хизмат кўрсатган артистлар Баҳодир Нишонов, Абдулла Шомағруфов, Қиличбек Тожиев, хонандалар Сардор Бекмуродов, Абдужалил Қўқонов, Ўзбекистон Ёзувчилар уюшмаси аъзоси, шоира Хосият Рустамова ҳудуддаги ногиронлиги бўлган инсонлар, бемор болалар, нуроний отахон ва онахонлар билан учрашди.  

Хусусан, Ўзбекистон Қаҳрамони Лола Муродованинг хонадонида бўлиб, марҳуманинг оила аъзолари ва яқинларига таъзия билдирилди. Шундан сўнг Олтиариқ туманидаги “Файзобод” МФЙда истиқомат қилаётган 85 ёшли Умарова Донохон ая ва “Ёғду” МФЙда яшовчи  104 ёшли Мақсудова Турди момоларнинг ҳолидан хабар олинди.