Ўзбекистон Касаба уюшмалари федерациясида “Янги Ўзбекистонни ўзимиз, ўз қўлларимиз билан бунёд этамиз!” шиори остидаги республика эсселар танлови ғолибларини тантанали тақдирлаш тадбири бўлиб ўтди.

Видеоконференцалоқа шаклида ташкил этилган мазкур тадбирда Марказий студиядан Ўзбекистон Республикаси Президенти маслаҳатчиси ўринбосари Нодир Холбўтаев, Олий Мажлис Қонунчилик палатаси спикерининг биринчи ўринбосари, академик Акмал Саидов, Олий ва ўрта махсус таълим вазири Абдуқодир Тошқулов, Республика Маънавият ва маърифат маркази раҳбари, ҳакамлар ҳайъати раиси Минҳожиддин Ҳожиматов ва танловнинг якуний босқич қатнашчилари иштирок этди.

“Янги Ўзбекистонни ўзимиз, ўз қўлларимиз билан бунёд этамиз!” шиори остидаги эсселар танловининг ғолиблари:

1-ўрин. Гулёр Ғаппарова, Қорақалпоқ давлат университети ўзбек филологияси факультети биринчи босқич талабаси;

2-ўрин. Нигина Шодиева, Бухоро давлат университети филология факультети учинчи босқич талабаси ҳамда Мафтуна Ураимшикова, Чирчиқ давлат педагогика институти туризм факультети учинчи босқич талабаси;

3-ўрин. Мухлиса Жалилова, Шароф Рашидов номидаги Самарқанд давлат унверситети филология факультети иккинчи босқич талабаси ҳамда Шаҳризода Фозилова, Бухоро давлат университети ҳузуридаги Педагогика институти табиий ва гуманитар фанлар факультети биринчи босқич талабаси.

Танловнинг республика босқичида учинчи ўринни эгаллаган талаба диплом ва 10 миллион сўм, иккинчи ўринни қўлга киритган талаба диплом ва 20 миллион сўм, биринчи ўринни эгаллаб, ғолиб бўлган талаба диплом ва 30 миллион сўм пул мукофоти билан тақдирланди.

Тантанали тақдирлаш маросимида эсселар танловининг республика босқичи иштирокчиларининг барчасига Президент совғаси сифатида ноутбук топширилди.