75-Канн кинофестивалининг натижалари эълон қилинди. Бош соврин – «Олтин пальма япроғи» швед режиссёри Рубен Эстлунднинг «Қайғу учбурчаги» фильмига топширилди. У 2017 йилда ҳам «Квадрат» картинаси билан Канн кинофестивалида ғолиб бўлган эди.

Фестиваль гран-присини режиссёрлар Клэр Дени ва Лукас Донт «Туш вақтидаги юлдузлар», «Яқин» фильмлари учун қўлга киритишди.

Энг яхши режиссёр

Пак Чхан Ук («Кетиш қарори» фильми, Жанубий Корея).

Энг яхши сценарий

Тариқ Солиҳ («Осмондан тушган йигит» фильмига ёзган сценарийси учун, Швеция).

Энг яхши актёр

Сон Кан Хо («Воситачи» фильми, Жанубий Корея).

Энг яхши актриса

Заҳро Амир Иброҳимий («Муқаддас ўргимчак» фильми, Эрон).

Фестивалнинг 75 йиллик юбилей мукофоти

Ака-ука Жан-Пер ва Люк Дарденлар (Тори ва Локита фильми, Бельгия).

Олтин камера (режиссёрлик дебюти)

Райли Кио и Джина Гаммелл («Жангари пони» фильми, АҚШ-Британия).