Бош прокуратурада Ўзбекистон Республикаси Бош прокурори Ниғматилла Йўлдошевнинг Туркия Республикаси Олий кассацияси бош прокурори Бекир Шахин билан учрашуви бўлиб ўтди.
 

Учрашув давомида Бош прокуратура ва Туркия Олий кассация суди Бош прокуратураси ўртасида Англашув меморандуми имзоланди.

Ушбу ҳужжат прокуратура органлари фаолият йўналишлари юзасидан илғор тажриба алмашиш орқали икки томонлама шерикликни янги босқичга кўтаришга хизмат қилиши таъкидланди.

Учрашув якунида Бекир Шахин идоралараро ҳамкорлик алоқаларини ривожлантиришга қўшган ҳиссаси учун «Ўзбекистон Республикаси прокуратурасининг фахрий ходими» кўкрак нишони билан тақдирланди.

Сўнгра, Туркия делегацияси аъзолари учун Бош прокуратура музейига экскурсия ташкил қилинди.