Республика Маънавият ва маърифат маркази Тошкент шаҳар бўлими ташаббуси билан Ўзбекистон тарихи давлат музейи филиали – Тошкент музейида ижодкор ўқувчилар иштирокида «Музейлар-маънавий ва маърифий илм ўчоғи» мавзусида маънавий-маърифий тадбир ўтказилди.

«Ижодий-маданий масалалар бўйича энг фаол тарғиботчи» республика танлови иккинчи ўрин соҳиби, шоир Зикрилла Неъматов «Музейлар – тарих ва маънавият кўзгуси» мавзусида маъруза қилиб, ўқувчиларга фойдали билим ва кўникмаларни берди.

Республика Маънавият ва маърифат маркази Тошкент шаҳар бўлими ўқувчилар билан савол-жавоб тарзида қизиқарли викторина ўтказиб, фаол қатнашган ўғил-қизларга китоблар совға қилди.