Аввалроқ, «Ёшлар овози» танловининг республика босқичи старт олгани ҳақида хабар берган эдик.

Дастлаб, 11 май куни бахшичилик йўналишида финал бўлиб ўтди.

Шундан сўнг, куни кеча 12 май куни опера йўналишида финал чиқишлари бўлди.

Бугун, 13 май куни эса эстрада йўналишидаги финал мусобақасига старт берилди.

Танловда ҳар бир йўналиш ҳамда ҳар бир ёш тоифасида 4 нафардан суперфиналистлар ҳамкамлар ҳайъати томонидан саралаб олинмоқда. Шундан кейин 1-2-3-ўринлар аниқлаб олинади.

Эслатиб ўтамиз, 1-ўрин – 50 миллион сўмдан (тўрт йўналишда, жами 12 та), 2-ўрин – 30 миллион сўмдан (тўрт йўналишда, жами 12 та), 3-ўрин – 20 миллион сўмдан (тўрт йўналишда, жами 12 та), шунингдек, қолган барча иштирокчилар – 10 миллион сўмдан пул мукофоти билан тақдирланади.

Фотолар муаллифи Анвар Тўйчиев