Судьялар олий кенгашининг 7 май куни бўлиб ўтган йиғилишида қатор масалалар қатори ваколати муддати якунига етган айрим судьяларни навбатдаги муддатга тайинлаш масаласи ҳам муҳокама этилди.

Якунда Кенгаш қарори билан:

Абдуқодиров Шерзод Ёқубжонович - судьялик лавозимида бўлишнинг навбатдаги ўн йиллик, шундан беш йил муддатга Тошкент вилояти жиноят ишлари бўйича Бўка туман судининг раиси лавозимига;

Шокиров Умиджон Шарибжонович - судьялик лавозимида бўлишнинг навбатдаги ўн йиллик муддатига Ўзбекистон Республикаси Ҳарбий судининг судьяси лавозимига;

Шералиев Авазбек Мухаммадович - судьялик лавозимида бўлишнинг навбатдаги ўн йиллик муддатига Фарғона вилояти жиноят ишлари бўйича Фарғона шаҳар судининг судьяси лавозимига тайинланди.