Жорий йилнинг 1-чорагида 75 та қонунбузилиши ҳолатида ўрмон хўжалигига 274 432 минг сўм миқдорда зарар етказилган. Бу ҳақида Ўрмон хўжалиги давлат қўмитаси мутасаддилари иштирокида ўтказилган матбуот анжуманида маълумот берилди.

Қайд этилишича, чўл ҳудудларида «яшил қоплама»лар барпо қилиш тадбирлари учун жами 1 минг тонна, шундан Қорақалпоғистон Республикаси Мўйноқ туманида 590 тонна (558,1 тонна саксовул, 20,7 тонна қандим, 11,5 тонна қорабуроқ), Навоий вилоятида 208 тонна (саксовул), Бухоро вилоятида 160 тонна (75 тонна саксовул, 5 тонна қандим, 80 тонна черкез) ва Хоразм вилоятида 52 тонна (саксовул) чўл ўсимликларининг уруғлари жамғарилди.

Ўрмон хўжаликлари томонидан жами 18 млн дона тез ўсувчи ва бошқа турдаги дарахт ҳамда буталарнинг қаламчалари тайёрланди.