Маълум бўлишича, «Россельхознадзор» томонидан Ўзбекистондан келган меваларда жигарранг чириётган вирус (Monilinia fructicola) аниқланган. Бу ҳақда «ТАСС» хабар берди.

Хабарга кўра, «Россельхознадзор» ва Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ўртасида 10 сентябрь куни видеоконференсалоқа форматида музокаралар бўлиб ўтган.

Таъкидланишича, «Россельхознадзор» мазкур карантин объекти илгари ўзбек меваларида аниқланмаганини қайд этиб, тергов ўтказишни, маҳсулотларнинг келиб чиқишини аниқлашни ва Россияга фақат касалланмаган ҳудудларда етиштирилган маҳсулотларни етказиб беришни сўраган.