Қодиров Ўткиржон Ғайратович Қашқадарё вилоят ҳокимининг ўринбосари – вилоят инвестициялар ва ташқи савдо бошқармаси бошлиғи лавозимига тайинланди.

Бунга қадар ушбу лавозимда Бахром Юсупов ишлаб келаётган эди.

Маълумот учун, Ў. Қодиров 1984 йил Сурхондарё вилояти Сариосиё туманида туғилган. Жаҳон иқтисодиёти ва дипломатия университети ҳамда Ўзбекистон Республикаси Стратегик таҳлил ва истиқболни белгилаш Олий мактабини тамомлаган. Шунингдек, ҳозиргача Ўзбекистон Республикаси Давлат божхона қўмитаси раиси ўринбосари лавозимида ишлаб келаётган эди.