Тошкент шаҳар ИИББ Матбуот хизмати хабарига кўра, кеча 17 апрель куни соат тахминан 18:00 да Сергели туманида жойлашган интернет клубларнинг бирида 18 ёшли Х.С. 17 ёшли мактаб ўқувчиси И.Ш. билан ўзаро жанжал келиб чиққан.

Келишмовчилик натижасида Х. С. вояга етмаган И. Ш. га тан жароҳати етказган. Етказилган тан жароҳати оқибатида ўсмир касалхонада вафот этган.

Мазкур ҳолат юзасидан Ўзбекистон Республикаси Жиноят кодексининг 104-моддаси 3-қисми («Қасддан баданга огир шикаст етказиш») бойича жиноят иши қўзғатилди. Гумонланувчи ушланган, тергов давом этмоқда.