Интернетда икки нафар мактаб ўқувчиси ўртасида жанжал акс этган видео тарқалди. Мазкур ҳолат бўйича Тошкент шаҳар ИИББ маълумот берди.

Қайд этилишича, 2022 йилнинг 15 апрель куни, тахминан, соат 15:00 да Миробод туманида 14 ёшли И.Б. 14 ёшли Д.Н. (жабрланувчи)га қўнғироқ қилиб, мулоқот чоғида ўсмирлар ўзаро жанжаллашиб қолган. И.Б. мазкур ҳолатга ойдинлик киритиш мақсадида вояга етмаган Д.Н. билан “Юксалиш” маҳалласи ҳудудида учрашишган ва жанжаллашиб кетган. Оқибатда Д.Н.гa тан жароҳати етказилган.

Маълум қилинишича, ҳолат бўйича ҳужжатлар расмийлаштирилган ва ота-оналар Маъмурий жавобгарлик тўғрисидаги кодекснинг 47-моддасига (болаларни тарбиялаш ва уларга таълим бериш борасидаги мажбуриятларни бажармаслик) асосан маъмурий жавобгарликка тортилган.