Яқин кунларда юртимизга 1 200 000 дозадан ортиқ Pfizer/BioNTech ва 600 000 дозадан ортиқ AstraZeneca вакциналари олиб келиниши кутиляпти. Бу ҳақда Соғлиқни сақлаш вазирлиги матбуот хизмати хабар бермоқда.

Ҳозирда юртимизда  4 турдаги: ZF-UZ-VAC2001, AstraZeneca, “Sputnik V”, Moderna вакциналаридан эмлаш жараёнларида фойдаланиб келинаётган эди. Pfizer/BioNTech вакцинаси ўзбекистонликлар эмланадиган 5-вакцина бўлади.

Эслатиб ўтамиз, айни кунгача мамлакатимизда жами  15 978 140 доза вакцинадан фойдаланилди. Шу кунгача тўлиқ эмланган фуқаролар 2 710 887 нафарни ташкил қилмоқда.