18-22 апрель кунлари Tashkent Animation Forumи бўлиб ўтади. Унда Ўзбекистон, Қозоғистон, Қирғизистон ва Тожикистондан аниматорлар иштирок этади. “Иштирокчиларнинг барчаси халқаро мультфильм фестиваллари ғолиблари”, дейилади Газета.uz хабарда.

Лолисанам Улуғованинг «Ҳувайдо» мультфильмидан кадр (Тожикистон)

Тошкент анимацион форуми иккита йўналишни ўз ичига олади: “Made in Uzbekistan. Tomorrow” деб номланган болалар дастури ва Марказий Осиёликларнинг HomeSweetHome дастури. Форумда болалар ва катталар учун турли жанрларда яратилган қисқа метражли мультфильмлар намойиш этилади.

Шунингдек, «Ўзбекмультфильм» киностудиясида 60-70 йилларда ишлаб чиқарилган ретро мультфильмлар ҳам намойиш этилади. Шу вақтга қадар уларнинг кўплари йўқолган деб ҳисобланган. Ўзбекистон Кинематография агентлиги хорижий архивлардан уларнинг нусхаларини топиб, қайта тиклаган ва рақамлаштиришга эришган.

«Сичқонлар маликаси» мультфильмидан кадрлар. Қайта тиклашдан олдин (чапда) ва кейин (ўнгда)

Тошкент анимация форуми доирасида театр ва анимация танқидчиси, «Катта мультфильмлар фестивали» (Россия) халқаро анимация фестивали директори Дина Годер томонидан мультфильмларнинг ўзига хос хусусиятлари мавзусида маърузалар тингланади. Анимацион фильмлар Алишер Навоий номидаги кино саройининг кичик залида намойиш этилади.

Шокир Холиқовнинг «Қиз ва булут» мультфильмидан кадр (Ўзбекистон)

Хабар қилинишича, барча тадбирларга кириш бепул, лекин tiaf.uz сайти орқали олдиндан рўйхатдан ўтиш керак бўлади.

Тошкент анимацион форумининг дастури

18 апрель

10:00-13:00 Форумнинг очилиши. Очиқ ҳавода концерт дастури ва тақдимот

15:00-16:00 Матбуот анжумани

19 апрель

15:30-17:00 Education дастури. Wild Kids(Исроил) анимацион студиясининг тақдимоти

17:30-19:00 Made in Uzbekistan. Yesterday дастури. «Ўзбекмультфильм» киностудиясида ишлаб чиқарилган совет мультфильмларининг ретроспективаси.

19:30-20:45 – 18 ёшдан катталар учун Линолеум фестивалининг энг яхши анимацион фильмлари намойиши.

20 апрель

15:00-16:15 Made in Uzbekistan. Yesterday дастури. «Ўзбекмултфилм» киностудияси томонидан ишлаб чиқарилган совет мультфильмлари ретроспективининг давоми.

16:30−18:00 Дина Годернинг (Россия) «Болалар учун бўлмаган мультфильмлар» маърузаси.

18:15-19:45 Made in Uzbekistan. Tomorrow дастури.

20:15-21:30 HomeSweetHome дастури

21 апрель

14:30-15:45 Neighbors («Қўшнилар») дастури. (Озарбайжон)

16:00-17:30 Дина Годернинг «Ҳақиқат ҳақида мультфильмлар» маърузаси

18:00-19:15 Shortest дастури.

19:45−21:30  «Анимадок» дастури

22 апрель

16:00–17:30 Дина Годернинг «Ҳайратланарли анимация» маърузаси

17:00–18:00 Давра суҳбати

18:15 Семинар ишлари кўргазмасининг очилиши.

19:00-20:00 World Panorama дастури. (Грузия)

20:00−20:30 Форумнинг ёпилиши