Директорларни сертификациялаш мажбурий этиб белгиланмаган. Бу ҳақида АОКАда ўтказилган матбуот анжуманида Халқ таълими вазирининг биринчи ўринбосари Усмон Шарифходжаев маълум қилди.

Матбуот анжуманида журналист томонидан вазир ўринбосарига “Президент раислигида ўтказилган йиғилишда мактаб директорларини сертификатлаш тизими жорий этилиши вазифа этиб белгиланди. Бу жараён қандай амалга оширилади?” дея савол берилган.

“Директорларни сертификациялаш бу оддий имтиҳон жараёни эмас, бунда курс ташкиллаштирилиб ўқитилади ёки ўзи мустақил тайёрланади. Бунда тайинланадиган директорнинг ташкилий масалалари, молиявий ва АКТ саводхонлиги билиш даражаси баҳоланади. Сертификация орқали шахснинг директор бўлиши эмас, раҳбарликка лойиқлиги белгиланади. Барча директорларни сертификациялаш ҳали мажбурий тартибда белгиланмаган”, деди Усмон Шарифходжаев