Сурхондарё вилояти Қумқўрғон тумани аҳолиси учун Наврўз байрамлари аллақачон бошланган. Куни кеча туманнинг Элобод маҳалласи, Орнали қишлоғидаги кенг адирлик ён-бағирларида умумхалқ байрам сайли бўлиб ўтди.

Байрам давомидаги баҳорий таомлар,  сумалак сайли, халқ ўйинлари, кураш мусобақалари, спортнинг турли йўналишларидаги беллашувлар, миллий  урф ва анъаналарини ўзида жам этган маросимлар  туман аҳлига манзур бўлди. Шунингдек, дошқозонларда халққа ош тарқатилди. 

Таниқли санъаткорлар Севинч Исроилова, “Қаҳ-қаҳа” жамоаси ҳамда туман Маданият бўлими ижодкорларининг чиқишлари байрамга янада кўтаринки кайфият бағишлади.