Маълумки, Ислом Каримов вафот этган 2 сентябрь санаси Хотира куни сифатида белгиланган. Шу муносабат билан давлат раҳбари кеча Ислом Каримов номидаги ёдгорлик мажмуасида бўлиб, ҳайкал пойига гулчамбар қўйди. Сўнг йиғилганлар иштирокида Қуръон тиловат қилинди.

Маросимда Ўзбекистон Республикаси Олий Мажлиси Сенати ва Қонунчилик палатаси, Президент Администрацияси, Вазирлар Маҳкамаси, вазирлик ва идоралар, пойтахт жамоатчилиги вакиллари, марҳумнинг рафиқаси ҳам иштирок этди.

Ислом Каримовнинг Самарқанд ва Қарши шаҳарларидаги ҳайкаллари пойига ҳам гуллар қўйилиб хурмат бажо келтирилди.