Саудия Арабистони подшоҳлиги Авиация бошқармаси «GACA» мамлакатга келувчи йўловчилар учун COVID-19 билан боғлиқ баъзи чекловларга ўзгартириш киритди. Бу ҳақида Дин ишлари бўйича қўмита хабар қилди.

Қайд этилишича, эндиликда коронавирус мавжуд эмаслиги ҳақидаги манфий натижага эга бўлган QR-кодли ПЗР-тест маълумотини Саудия Арабистонига киришда тақдим этиш тартиби бекор қилинади. Умра-2022 мавсумида мамлакатга сафар қилаётган зиёратчилар учун сафардан олдин олинадиган ПЗР-тест маълумотини тақдим этиш талаб этилмайди.

Умра дастурида сафар қилувчи зиёратчилар коронавирусга қарши қуйидаги вакциналардан бири билан эмланган бўлиши талаб этилади:

• Pfizer/BioNTech;
• Oxford-AstraZeneca;
• Moderna;
• Johnson & Johnson.