ИИВ Қоровул қўшинлари ансамбли бошлиғи, катта лейтенант Давронбек Абдусаломов Қозоғистонда ўтказилаётган “Central asiaʼs got talent” шоусида иштирок этди. Бу ҳақида вазирлик ахборот хизмати хабар берди.

Давронбек Абдусаломов Лучано Паваротти репертуаридан «Карузо хотирасига» қўшиғини ижро этган.  Иштирокчининг ижросини 3 та ҳакам ҳам тасдиқлаган ва у ярим финалга йўлланмани қўлга киритган.

Эслатиб ўтамиз, “Central asiaʼs got talent” шоуси Марказий Осиё истеъдодларини кашф қилувчи шоу-танлови. Унда Ўзбекистон, Қирғизистон, Қозоғистон ва Тожикистондан келган номзодлар ўз истеъдодларини намойиш этади.