Тошкент шаҳар Шайхонтоҳур туманлараро фуқаролик ишлари бўйича суди томонидан Оразимбетов Қуанишбай Келимбетович Нукус давлат педагогика институти ректори лавозимидан ғайриқонуний равишда озод қилингани аниқланган.

Адвокат Фархад Романовга кўра, 2017 йил Нукус давлат педагогика институти раҳбар ходимларига нисбатан Қорақалпоғистон Республикаси прокуратураси томонидан жиноят иши қўзғатилган. Ушбу жиноят иши юзасидан институтнинг шу вақтдаги ректори Қуанишбай Оразимбетов эгаллаб турган лавозимидан озод қилинган ва жиноий жавобгарликка тортилган.

Ўзбекистон Республикаси Олий суди томонидан мазкур жиноят иши қайтадан қўриб чиқилганда собиқ ректорнинг ҳаракатларида жиноят аломатлари йўқлиги аниқланиб, Қуанишбай Оразимбетов лавозимига қайта тикланиш ҳақида қарор чиқарилган.