Ўзбекистонда тарихий жиҳатдан энг биринчи бунёд этилган ГЭС-1да модернизация ишлари олиб борилмоқда.

Бўзсув ГЭС-1 Тошкент шаҳрининг Юнусобод тумани ҳудудида жойлашган. Унинг қурилиши 1923 йилда бошланган бўлиб, асосан халқ ҳашари йўли билан бунёд этилган. Тўғон 94 сутка мобайнида, ГEС биноси ва гидроиншоотнинг асосий қисми эса 9 ой давомида қурилган. Бўзсув ГЭС 1926 йил 1 майда ишга туширилган бўлиб, қуввати 4 минг кВт.соат га тенг бўлган.

Айни вақтда модернизация ишлари Хитой Халқ Республикасининг China National Technical Import and Export Corporation “CNTIC” компанияси томонидан амалга оширилмоқда. Таъмирлаш жорий йилда тугалланиши режалаштирилган бўлиб, натижада йиллик ўртача ишлаб чиқариш қуввати 44,4 млн. кВт.соатни ташкил этади.