Айни кунларда юртимизда Мустақиллигимизнинг 30 йиллиги муносабати билан “Янги Ўзбекистонда эркин ва фаровон яшайлик!” ғоясини ўзида мужассам этган ташкилий-амалий, маънавий-маърифий ҳамда тарғибот-ташвиқот тадбирлари кўтаринки кайфиятда олиб борилмоқда.

Республика Маънавият ва маърифат маркази ҳамда Давлат божхона қўмитаси ҳамкорлигида Божхона институтида “Тарихи қадим, келажаги порлоқ Ўзбекистоним!” мавзусида божхона хизмати идоралари таркибий тузилмалари учун онлайн маърифий тадбир ўтказилди.

         Мазкур тадбирда Республика Маънавият ва маърифат маркази тарғиботчилари, ижодкорлар, санъаткорлар, меҳнат фахрийлари ҳамда божхона хизмати идоралари ходимлари иштирок этди.

Тадбирда сўз олганлар мамлакатимизда олиб борилаётган кенг кўламли халқчил ислоҳотлар, мустақилликни қўлга киритишдаги машаққатли ҳаёт йўли тўғрисида фикр юритдилар.