Тошкент шаҳридаги Ўш кўчасининг бир қисми автомобиллар ҳаракати учун ёпилади. Бу ҳақида пойтахт ҳокимлиги хабар берди.

Яшнобод туманининг Ўш кўчаси бўйлаб «Қорасув» канали устидан ўтувчи автомобиль йўли кўприги реконструкция қилинади. Шу сабабли Ўш кўчаси «Дўстлик» маданият ва истироҳат боғи кўприги билан кесишмасидан Бойсун кўчаси кесишмасигача ва ундан Ўш 1-тор кўчаси кесишмасигача бўлган оралиқ жорий йилнинг 11 февралидан март ойи охиригача автомобиллар ҳаракати учун ёпилади.