Бугун, 1 февраль куни соат 15:15 атрофида Жиззах вилояти Фавқулодда вазиятлар бошқармаси Тезкор бошқарув марказига Зомин шаҳрида жойлашган кутубхонада ёнғин содир бўлаётганлиги тўғрисида маълумот келиб тушган.

Ёнғин содир бўлган жойга 2 та қутқарувчилар бўлинмаси юборилган. Тезкор ҳаракатлар натижасида ёнғин тўлиқ бартараф этилиб, ёнғиндан кейинги тозалаш ишлари бажарилмоқда.

Аниқланишича, фойдаланишга топширилмаган бино ичида китоблар бўлмаган. Ҳозирда ёнғин сабаби ва кўрилган моддий зарар миқдори аниқланмоқда.