Халқ таълими вазирлиги матбуот хизматининг хабар беришича, вазир Бахтиёр Саидов бошчилигида ўтказилган йиғилишда Тошкент шаҳар халқ таълими бош бошқармаси бошлиғи вазифасини вақтинча бажариш Яшин Султоновга юклатилди.

Мазкур тайинловга қадар Яшин Султонов Халқ таълими вазирлиги тасарруфидаги «Ўқув-таълим-таъминот» ДУК директори вазифасида фаолият юритган.

Йиғилишда янги раҳбарга пойтахт мактабларида таълим сифатини яхшилаш, мактаб таълимини ривожлантириш ҳамда намунавий даражага олиб чиқиш борасида тегишли вазифалар юклатилган.