Фарғона вилояти адлия бошқармаси томонидан вилоятдаги айрим ҳокимликларнинг айрим ноқонуний қарорлари бекор қилинди.

Маълум қилинишича, вилояти адлия бошқармаси томонидан, ҳудудда мониторинг ва сўровномалар ўтказилиб, 1 996 та қонун ҳужжатлари таҳлил қилинган. Аниқланган қонун бузилишлар бўйича 1 875 та тақдимнома, 736 та маъмурий ва 10 та жиноий жавобгарликка тортиш бўйича таклифлар киритилган.

Таъсир чоралари натижасида 5 672 та ноқонуний ҳужжат бекор қилиниб, 63 та ҳужжат ижроси тўхтатилди, 1 716 нафардан зиёд мансабдор шахслар интизомий (шундан 90 нафари эгаллаб турган лавозимидан озод этилган), 624 нафари эса маъмурий жавобгарликка тортилди.

Шунингдек, бошқарма томонидан Бағдод, Олтиариқ, Данғара туманлари ҳокимликларининг хусусий секторга ер ажратиш билан боғлиқ қатор ноқонуний қарорлари бекор қилинган.