Жорий йилнинг июнь – июль ойларида ўтказиладиган футбол бўйича жаҳон чемпионатида Ўзбекистон терма жамоасини қўллаб-қувватлаш мақсадида республикадаги 220 та умумтаълим мактабида “Мухлислар майдони” ташкил этилади. Бу ҳақда Мактабгача ва мактаб таълими вазирлиги хабар бермоқда.

Маълум қилинишича, мазкур мактабларда футбол томошалари учун барча зарур шароитлар яратилади. Ўқувчилар, ота-оналар ҳамда футбол ихлосмандлари терма жамоамизнинг жаҳон чемпионатидаги ўйинларини катта экранлар орқали жонли эфирда томоша қилишлари мумкин бўлади.

“Мухлислар майдони” ташкил этиладиган мактаблар рўйхати билан бу ерда танишишингиз мумкин.