Тошкент шаҳар ҳокимлиги Ўзбекистонда хизмат кўрсатган маданият ходими, Ўзбекистон Ёзувчилар уюшмаси аъзоси, „Шуҳрат« медали соҳиби, шоир Йўлдош Эшбекка Президент совғаси – 3 хонали уй калитини топширди. Бу ҳақда «Тил ва адабиёт таълими» журнали бош муҳаррири Фаррух Жабборов хабар берди.

2025 йилнинг апрелида Фаррух Жабборовнинг Йўлдош Эшбекнинг ижтимоий ҳолати ҳақидаги хабаридан сўнг жамоатчилик сўрови билан «Ўзбек катта эл...ми?» деган савол остида ялпи хайрия ҳаракати бошланган, натижада оддий фуқаролардан то юқори доира вакилларигача хайрия қилган ва ёғилган сумма 90 млн сўмга етган эди.

Шундан кейин тадбиркор Марат Ҳамдамов томонидан «Сергели cитй» мажмуасидан икки хонали уй ҳужжатлари топширилиб, ўша йилнинг сентябрида шоирни оиласи билан янги уйга кўчириб ўтказиш кўзда тутилган эди.

Бироқ ваъда қилинган уй ҳали битмаганлиги айтилиб, ҳали-ҳануз топширилмаган.