Қувайтнинг Ўзбекистондаги янги элчиси этиб Турки Холид Ҳамад ал-Микрад тайинланди. Бу ҳақда Ташқи ишлар вазири Бахтиёр Саидов хабар берди.

Вазир янги элчининг ишонч ёрлиқлари нусхаларини қабул қилди. Ўзбекистон ва Қувайт ўртасидаги кўп қиррали ҳамкорликни янада ривожлантириш истиқболлари муҳокама марказида бўлди.

Тадбирда шунингдек, Президент Шавкат Мирзиёевнинг 2025 йил февраль ойида Қувайтга амалга оширган давлат ташрифи икки томонлама муносабатларни янги босқичга олиб чиққани қайд этилиб, кўрфаз араб давлатлари ҳамкорлик кенгаши ҳамда бошқа халқаро ва минтақавий ташкилотлар доирасидаги ҳамкорликни кучайтириш масалалари ҳам кўриб чиқилди.