Жорий йилнинг 14–21 апрель кунлари Сербиянинг Врнячка Баня(Vrnjačka Banja) шаҳрида 8–18 ёшлилар тоифасида рапид ва блитс йўналишлари бўйича Жаҳон чемпионати ўтказилмоқда.

Хабарга кўра, ҳозирда рапид баҳслари якунига етган бўлиб, унда 18 ёшгача бўлган қизлар ўртасида Афруза Ҳамдамова 8,5 очко билан Жаҳон чемпионлигини қўлга киритган.

Шунингдек, 12 ёшгача ўғил болалар ўртасида Исломбек Хусанов бронза медалига сазовор бўлган.

Хуснорахон Хуснитдинова эса блитс масалалар ечиш бўйича Жаҳон чемпионатида 2-ўринни эгаллаган.

Блитс баҳслари ғолиблари 20 апрель куни (бугун) аниқланади.