Шу йилнинг 18 январ куни фарғоналик Мавлуда Хўжаева Фарғона шаҳар тиббиёт бирлашмаси туғруқ бўлимида вазни 6 килограмм 90 грамм, бўйи 60 сантиметр бўлган ўғил болани дунёга келтирди. Бу ҳақда ЎзА хабар қилмоқда.

Маълумотларга кўра, чақалоқ 39-ҳафтада операция ёрдамида туғилган.  Туғруқ бўлими бош шифокори Шоира Исмоилованинг айтишича, бу онанинг тўртинчи фарзанди, у 33 ёшда. Бола онасининг ёнида.

Маълум бўлишича, у туғруқ бўлимида туғилган энг вазни катта бола. Бу ерда охирги марта 5 килограмм вазнли чақалоқ туғилган.