«Тахтақорача» довонида автотранспорт воситаларининг ҳаракати вақтинча тўхтатилди. Бу ҳақида Йўл ҳаракати хавфсизлиги хизмати хабар бермоқда.

Маълум қилинишича, Самарқанд ва Қашқадарё вилоятларини боғловчи «Тахтақорача» довонида кўп миқдорда қор ёғгани сабабли турли кўнгилсиз ҳодисаларнинг олдини олиш мақсадида автотранспорт воситаларининг ҳаракати вақтинча тўхтатилди.

Айни вақтда йўлларни қордан тозалаш, музламаларни бартараф қилиш мақсадида қум-туз аралашмасини сепиш ишлари амалга оширилмоқда.