2026 йил 16 февралда тасдиқланган янги таҳрирдаги «Ўзбекистон 2030» стратегиясида келгуси беш йилда Ўзбекистон фуқаролари визасиз кира оладиган давлатлар сони 16 тага кўпайиши мақсад сифатида белгиланди. 

Маълумот учун, ҳозирда ўзбекистонликлар визасиз бороладиган давлатлар сони 34 та. Стратегияда ёзилишича, 2030-йилгача бундай мамлакатлар сони 50 тага етказилади.

Хабарга кўра, жорий йилда фуқаролар учун яна иккита мамлакатга визасиз режим йўлга қўйиш вазифаси белгиланган. 2027 йилда ҳам Ўзбекистон фуқаролари яна 2 та давлатга визасиз кириш имкониятига эга бўлади. 2028 йилда визасиз режимга ўтказилган давлатларнинг умумий сони 42 тага, 2029 йилда 46 тагача ортади. 

Шунингдек, бугунги кунда ўзбекистонликлар 42 та мамлакатга соддалаштирилган виза тартибида кириш имкониятига эга. «Ўзбекистон 2030» стратегиясида  бу рақамни 60 тага етказиш белгиланган.