Бирлашган Араб Амирликлари мамлакатга кириш ниятида бўлган Ўзбекистон ва Тожикистон фуқароларига чекловлар қўйди. Бу ҳақида Uzbekistan Airways хабар қилди.

Қайд этилишича, энди ушбу икки мамлакат фуқаролари БААга жўнаб кетишдан 48 соат аввал олинган ПЗР тестнинг манфий натижасини тақим этиши керак. Бундан ташқари, Дубай ва Шаржага етиб келгандан сўнг, аэропортда яна ПЗР тестидан ўтади.

Йўловчи тест натижасини олмагунига қадар ўзини изоляция қилиши талаб этилади.

Қоидалар 17 январдан бошлаб кучга кирган.