Ёшларни ҳар томонлама қўллаб-қувватлаш, уларда юксак ватанпарварлик ҳиссини шакллантириш ҳамда мафкуравий иммунитетини янада мустаҳкамлаш мақсадида Ўзбекистон Республикаси Миллий гвардияси, Ёшлар ишлари агентлиги ҳамда Республика Маънавият ва маърифат маркази ўртасида ўзаро ҳамкорлик меморандуми имзоланди.

Меморандум доирасида қуйидаги асосий мақсад ва вазифалар белгилаб олинди:

1. «Мактаб–маҳалла–оила» тамойили асосида ёшлар билан ишлаш тизимини кучайтириш;

2. «Жасорат мактаблари» ўқувчилари ўртасида қизиқарли ҳарбий-спорт мусобақаларини ташкил этиш;

3. Муддатли ҳарбий хизматни ўтаб қайтган ёшлар бандлигини таъминлаш, уларни касб-ҳунарга ва таълимга йўналтириш;

4. Ёшлар ўртасида ҳуқуқбузарликларнинг олдини олиш ҳамда уларнинг бўш вақтини мазмунли ташкил этиш.