Кўплаб мухлислар меҳрини қозонган иқтидорли санъаткор, «Дизайн» шоу жамоасининг аъзоси Дилшодбек Мусабеков вафот этди. Бу ҳақда унинг ҳамкасби Отабек Мирзаҳолов маълум қилди.

Ўзининг ажойиб ҳазиллари ва самимияти билан халқ қалбидан жой олган Дилшодбек Мусабеков 1975 йил 13 июлда Андижон вилоятида туғилган. У Ўзбекистон Республикаси Президенти фармонига кўра «Шуҳрат» медали билан тақдирланган эди.

Маълумот учун, «Дизайн» жамоаси – ҳажвий гуруҳ бўлиб, унинг барча аъзолари, жумладан, марҳум Дилшодбек Мусабеков ҳам Тошкент тўқимачилик ва енгил саноат институтини битирган. Мазкур институт номидан „ҚвЗ« (Қувноқлар ва зукколар) шоу танловларида қатнашиш орқали танилган.