Ўзгидромет дам олиш кунлари Республика бўйлаб кузатиладиган об-ҳаво маълумотлари ҳақида хабар берди.

Унга кўра, 14 февраль — шанба куни кундузи ва 15 февраль — якшанба куни республика бўйича ёғингарчилик кутилмайди. Ҳаво ҳарорати кўтарилиб, якшанба куни 17-22 даражагача илиқ бўлади. Кечалари ҳарорат 5-10 даража илиқ атрофида бўлади.

Шамол 7-12 м/с тезликда эсади. Айрим жойларга туман тушиши мумкин.

Республиканинг тоғ олди ва тоғли ҳудудларида сел-сув тошқин ҳодисалари юзага келиши мумкин. Тоғларда қор кўчиши хавфи бор.

Пойтахтда шанба куни кечаси ва эрталаб ёмғир ёғади, кундузи ёғингарчилик кутилмайди. Якшанба куни ёғингарчилик кутилмайди. Ҳарорат аста-секин 17-20 даража илиққача кўтарилади.

Ҳарорат асосан кечалари 6-9 даража илиқ бўлиб, шамол 3-8 м/с теликда эсади. Кечаси ва эрталаб туман тушиши мумкин.