Россия ўз фуқароларини давлат назоратидаги, кузатув ва сиёсий цензура учун яратилган дастурга ўтказишга мажбурлаб, Телеграмдан фойдаланишни тақиқламоқда, деб ёзади мессенжер асосчиси Павел Дуров Телеграм саҳифасида.

У шунингдек, 8-йил аввал Эрон худди шу стратегияни қўллашга уриниб, омадсизликка учраганини эслатиб ўтган. Унга кўра, мамлакатда Телеграмдан фойдаланиш тўқима баҳоналар билан тақиқланиб, аҳолини давлат яратган муқобил платформага ўтказишга ҳаракат қилинган. Тақиққа қарамасдан, аксарият эронликлар ҳалигача “цензурани чеклаб ўтиб”, кузатувдаги иловалардан фойдаланишдан кўра Телеграмни афзал кўради.

Фуқаролар эркинлигини чеклаш ҳеч қачон тўғри қарор бўлмайди. Телеграм ҳар қандай босимга қарамай, сўз эркинлиги ва конфиденциалликни ҳимоя қилади.