Вазирлар Маҳкамасининг “Узлуксиз таълим тизимида ёшларни миллий қадриятларга садоқат ва ватанпарварлик руҳида тарбиялаш самарадорлигини ошириш дастурини тасдиқлаш тўғрисида”ги Қарори қабул қилинди.

Ҳужжатга кўра, 2026-йилда тарбия йўналишида амалга ошириладиган “Йўл харита” тасдиқланди. Ундаги асосий йўналишлар қуйидагилар деб белгиланди:

➖ мактабгача, умумий ўрта, ўрта махсус, касбий ва олий таълим тизимларида ягона миллий тарбиянинг яхлит тизими яратилади;

➖ ҳар душанба куни барча таълим ташкилотларида “Келажак соати” дарси ўтказилади ҳамда дарс сценарийлари асосида тайёрланган" контентлар “millitarbiya.uz” электрон платформасига жойлаштирилади;

➖ дастур доирасида Ўзбекистоннинг Миллий тарбия модели ишлаб чиқилади;

➖ ҳар йили маънавий-маърифий ишлар бўйича масъул раҳбар ва педагоглар ўртасида “Миллий қадриятлар тарғиботчиси” республика танлови ўтказилади;

➖ ҳар йили 1-сентябрга қадар маънавий-маърифий тадбирларнинг намунавий иш режалари тасдиқланади;

➖ “Жасорат мактаблари” ўқувчилари ўртасида икки босқичли “Жасорат учқунлари” ҳарбий-ватанпарварлик ва спорт мусобақаси ташкил этилади