Президент Шавкат Мирзиёев қарори билан Соҳибжон Ғофуржонович Муродов Ўзбекистон Республикаси Давлат активларини бошқариш агентлиги директори лавозимига тайинланди. Бу ҳақда Президент матбуот котиби Шерзод Асадов хабар берди.

Аввалроқ агентликнинг собиқ раҳбари Акмалхон Ортиқов Давлат активларини бошқариш агентлигининг мансабдор шахслари бозор қиймати камида 250 миллиард сўмлик ер участкасини ёпиқ аукционга чиқариб, 120 миллиард сўмга сотиб юборгани сабабли лавозимидан озод этилгани ҳақида хабар берилган эди.