Бугун, 9 февраль куни Тошкент давлат шарқшунослик университетида «Навоий ва Шарқ ренессанси» мавзусида V анъанавий халқаро симпозиум бўлиб ўтди.

Тошкент давлат шарқшунослик университети, Алишер Навоий номидаги Халқаро жамоат фонди ҳамда Ўзбекистон Ёзувчилар уюшмаси ҳамкорлигида ташкил этилган илмий анжуман Миллий боғдаги Алишер Навоий ҳайкалига гул қўйиш маросимидан сўнг бошланди.

Тадбирда сўзга чиққан меҳмонлар буюк мутафаккир ижодининг жаҳон сивилизатсиясидаги ўрни ва аҳамияти ҳақида фикр билдирди.

Анжуман давомида «Навоий издошлари» танлови ғолиблари ҳам тақдирланди.

Шунингдек, симпозиум доирасида шўба йиғилишлари ташкил этилди.

Унда Ўзбекистон, Туркия, Озарбайжон, Покистон ва бошқа давлатлардан келган олимлар, тадқиқотчилар ва мутахассислар илмий маърузалари билан иштирок этди.