Ўзбекистон Республикаси Президентининг “Мактабгача таълим ва тарбия тизимини янада такомиллаштириш чора-тадбирлари тўғрисида”ги Фармони қабул қилинди. Унга кўра:

➖ бир йиллик мактабга тайёрлов гуруҳларининг таълим дастури мажбурий умумий ўрта таълимнинг дастлабки босқичи сифатида киритилади;

➖ мактабгача таълим тизимида ўйинга асосланган таълим жорий этилади;

➖ таркибида Болаларни ривожлантириш инновацион марказини ўз ичига олган “Янги авлод” мактабгача таълим ташкилотлари тармоғи ташкил этилади;

➖ бир йиллик мактабга тайёрлов гуруҳларининг таълим дастурлари мактабгача таълим ташкилотлари, умумтаълим мактаблари ва бошқа ижтимоий соҳа обектларида тўлиқ ёки қисқа муддатли гуруҳларда амалга оширилади;

➖ мактабгача ва умумий ўрта таълим хизматларини кўрсатувчи нодавлат таълим ташкилотларига бир йиллик мактабга тайёрлов гуруҳларини ташкил этишга рухсат берилади;

2027-2028-ўқув йилидан бошлаб:

➖ мактабга тайёрлов гуруҳларининг таълим жараёнлари олий маълумотли педагоглар, шунингдек, олий таълим ташкилотларининг битирувчи босқич талабалари томонидан олиб борилади;

➖ мактабга тайёрлов гуруҳларида таълим-тарбия олган болаларга бир йиллик мактабга тайёрловдан ўтганлик тўғрисида давлат намунасидаги электрон сертификат берилади ҳамда ушбу маълумотлар умумий ўрта таълим тўғрисидаги шаҳодатномада қайд этилади;

2026–2028-йилларда:

➖ Қорақалпоғистон Республикаси, вилоятлар марказлари ва Тошкент шаҳрида биттадан давлат мактабгача таълим ташкилоти сифатида фаолият олиб борувчи “Янги авлод” мактабгача таълим ташкилоти ташкил этилади;

➖ “Янги авлод” мактабгача таълим ташкилоти раҳбар, педагог  бошқа ходимларининг тариф ставкасига нисбатан 20 фоиз миқдорида ҳар ойлик қўшимча устама жорий этилади;

2026-2027 ўқув йилидан бошлаб:

➖ педагогика олий таълим ташкилотларида мактабгача ва бошланғич таълим йўналиши бўйича бакалаврларни тайёрлаш халқаро илғор тажриба асосида амалга оширилади;

➖ тегишли олий таълим ташкилотларида ўрта махсус маълумотли педагог кадрлар учун дуал таълим шаклида мактабгача таълим йўналишида тўлов-шартнома асосида бакалаврлар тайёрлаш йўлга қўйилади;

➖ янги ташкил этилган давлат мактабгача таълим ташкилотларига, биринчи навбатда, олий маълумотли тарбиячилар ишга қабул қилинади;

➖ 2026-йил 1-апрел бошлаб:

➖ мактабгача таълим қамрови 80 фоиздан паст бўлган туман (шаҳар)лардаги (Тошкент шаҳри бундан мустасно) тадбиркорлик субектлари учун қатор имтиёзлар жорий этилади.