Баҳодир Худоёрович Худойқулов Чироқчи тумани ҳокими лавозимига тасдиқланди. Бу ҳақда Қашқадарё вилояти ҳокимлиги матбуот хизмати хабар бермоқда.

Баҳодир Худойқулов 1985-йилда туғилган. У Самарқанд давлат университети ҳамда Тошкент давлат юридик институтини тамомлаган.

Меҳнат фаолияти давомида 2018–2024-йилларда Чироқчи тумани прокурори вазифасида ишлаган. Тайинловга қадар эса Шаҳрисабз тумани прокурори лавозимида фаолият юритиб келаётган эди.

Халқ депутатлари Чироқчи тумани кенгашининг навбатдан ташқари сессиясида янги тайинлов муносабати билан туманни ижтимоий-иқтисодий ривожлантириш бўйича устувор вазифалар белгилаб олинди.