“Ўзгидромет” 6 та вилоятнинг тоғли ҳудудларида қор кўчиши хавфи борлигидан огоҳлантирди. Хабарда келтирилишича, 5–9-февраль кунлари кутилаётган ёғингарчилик ҳамда ҳаво ҳароратининг ўзгариши сабабли республиканинг тоғли ҳудудларида қор кўчиши хавфи эълон қилинади: Ҳодиса қуйидаги ҳудудларда кузатилади:

– Қашқадарё вилояти Деҳқонобод, Китоб, Қамаши, Шаҳрисабз туманларида;

– Сурхондарё вилояти Бойсун, Қумқўрғон, Сариосиё, Узун туманларида;

– Самарқанд вилояти Нуробод, Қўшработ, Самарқанд, Ургут туманларида;

– Жиззах вилояти Бахмал, Зомин туманларида;

– Тошкент вилояти Бўстонлиқ, Паркент, Оҳангарон туманларида (Чотқол тизмаси тоғлари);

– Наманган вилояти Поп туманида.

“Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз”, дейилади хабарда.