International IQ Тест халқаро IQ реестри маълумотлари асосида шакллантирилиб, ҳар йили янгиланадиган мамлакатлар аҳолисининг ўртача интеллект коэффициенти (IQ) бўйича рейтинг натижаларини эълон қилди.

137 та мамлакат ва ҳудуддан 1,2 миллион нафар иштирокчининг тест натижалари асосида шакллантирилган рейтингда биринчи ўринни 106,97 балл билан Жанубий Корея банд қилган. Хитой — 106,48 балл, Япония — 106,3 балл билан кучли учликни ёпган.

Рейтингда Ўзбекистон 96.51 балл билан 75-ўринни эгаллаб, Марказий Осиё давлатлари ичида етакчилик қилмоқда. Лекин натижа аввалгига нисбатан 0.28 баллга пастроқ эканини кўриш мумкин: 2025 йилда мамлакат 96.79 баллни қайд этганди. Қозоғистон 95.92 балл 80-ўринни, Қирғизистон 94.48 балл билан 93-ўринни, Тожикистон эса 93.39 балл билан 101-ўринни эгаллаган.