Қатар пойтахти Доҳада Афғонистоннинг 5 минг йилдан ортиқ тарихи ва маданиятига бағишланган «Empire of Light» номли кўргазма очилди. Маросимда Ўзбекистон Маданият ва санъатни ривожлантириш жамғармаси раиси Гаяне Умерова ҳам қатнашиб, шайх Ол-Маясса бинт Ҳамад бин Халифа Ол Соний Хоним Олиялари ва Оға Хон маданият вақфи жамғармасини кўргазманинг очилиши билан табриклаган.

Хабарга кўра, асрлар давомида тамаддунлар, динлар ва анъаналар кесишган, минтақанинг бетакрор меросини асраб-авайлашнинг бугунги кундаги аҳамиятини таъкидлаган маданий марказ сифатида очиб беради.

Кўргазманинг алоҳида бўлими Темурийлар даврида гуллаб-яшнаган санъатга бағишланган бўлиб, унда XV асрга оид Ҳирот шаҳрида барқ урган миниатюра, хаттотлик ва сарой маданиятининг равнақини акс эттирувчи расмли қўлёзмалар ва китоб санъати асарлари намойишга қўйилган.