«Asia Records» халқаро рейтинг ташкилоти Ўзбекистонни ЮНЕСКОнинг Жаҳон мероси рўйхатига киритилган Осиёдаги энг кўп тарихий шаҳарлар ва исломий зиёратгоҳлар мамлакати сифатида қайд этди.

Малайзия пойтахти Куала-Лумпур шаҳрида бўлиб ўтган Ўзбекистоннинг сайёҳлик салоҳиятига бағишланган роуд-шоуда Ўзбекистон Туризм қўмитаси вакилларига мазкур эътироф намунаси сифатида махсус диплом топширилган.

Хабарга кўра, тадбир доирасида юртимиз сайёҳлик компаниялари томонидан ишлаб чиқилган сайёҳлик йўналишлари ва «Умра +» дастури бўйича зиёрат сафарлари учун комплекс пакетлар тақдим этилган. Шунингдек, «Uzbekistan Airways» компанияси вакиллари Малайзиядан келган йўловчилар учун янги имкониятлар ва имтиёзлар, жумладан, тўғридан-тўғри авиақатновлар ва қулай транзит алмашинуви ҳақида маълумот берган.