Бугун, 31 январь куни соат 15:47 да пойтахтнинг Яшнобод тумани, Паркент кўчасида жойлашган Авиатор Корзинка биносида ёнғин чиқди.

ФВВ қутқарув экипажлари 10 дақиқага қолмай воқеа жойига етиб бориб, бинодан барча фуқаролар эвакуация қилингани ва ёнғин ўчириш ишлари ФВВ генерал майори А.Икрамов бошчилигида бартараф этилаётгани маълум қилинган эди.

Соат 17:17 ҳолатига кўра ёнғин тўлиқ бартараф этилган бўлиб, жароҳатланганлар йўқлиги қайд этилган.

Бироқ ёнғиндан сўнг олиб борилган дастлабки ўрганиш ишларида вайроналар остидан бир нафар фуқаронинг жасади топилгани маълум қилинган.