Жиззах вилояти ҳокимлигида ўтказилган йиғилишда ташкилий масала кўрилди, деб хабар берди ҳокимлик.

Ўзбекистон Республикаси Президентининг 2025 йил 2 декабрдаги вилоятга ташрифида инвестиция ва экспорт йўналишларида янги тизим жорий қилиш топшириғи берилган эди.

Топшириққа мувофиқ, вилоят ҳокимлигининг янги ташкилий тузилмасига кўра:

Юсупов Бахром Музафарович — Жиззах вилояти ҳокимининг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари лавозимига тайинланди. Тайинловга қадар у Инвестициялар, саноат ва савдо вазирлигида бўлим бошлиғи лавозимида фаолият юритиб келган.

Эгамов Бекзод Абдувалиевич — Жиззах вилояти ҳокимининг дашт ва чўл ҳудудларда саноатни ривожлантириш, инвестиция ва савдо масалалари бўйича ўринбосари лавозимига тайинланди. Тайинловга қадар Инвестициялар, саноат ва савдо вазирлигида бўлим бошлиғи лавозимида фаолият юритиб келган.